الجسم ممدود فوق الفراش مشدود
فاقد الوعى ونـزيف الدم محـــدود
والقلب منـه مفتوح متخدر ونايــم
منتظر يكون ليه فى الدنيا حــدود
أنفاس بتخرج وتدخل عل الهادئ
بين جهاز الهواء وزفير مش رايق
ومشرط جراح بيقطع فى شريان
ويركب ويســلك فى مكان خانـــق
ساعه تمر والمــوت بيحلق ويمـــر
ودكتور عرقان مشدود العصب بيجر
مرعوب خايف ماتعرف ايه اللى بيهم
ويفوق المريض بعد ما يعدى الشـــر
مرعوب خايف ماتعرف ايه اللى بيه
استر يارب على مرضانا من القلب
لما يصيب الحبيب وبالالم ينصـــب
ويدخل فى ليلة من ليالى الخوف
ولا يصيب قلبة الهوا من الرعب
بقلم // محمد لبيب مصيلحي
إرسال تعليق