****** أعدى بحار ******
أعدى بحور أعدى أنهار ....
راسخ حبك فى قلبى زى الجبال ...
أعدى البحور أتحدى المحال ...
عنك قلبى بيبادر بالسؤال ...
حبيبتى جايلك راكب الموج ...
جايلك وقلبى كله شوق ...
تغمضى عنيكى أو تفتحيها ..
أنتى حبيبتى بالدنيا واللى فيها ...
ومين غيرك أحبها وأراعيها ؟...
راكب موجه ورا موجه ...
موجه عدله وتانيه عوجه ...
يا موج أحملنى وروح لها ...
وخلينى قريب من قلبها ...
عاوز أحضنها وأقول لها ...
أن مشاعرى مالت لها ..
هى ليا الحياه هى الروح ..
بالنسبالى هى بلسم الجروح ..
ليها معاك يا موج أنا راح اروح ..
أعدى بحار ألف كل وادى ....
ملكت روحى ويا فؤادى ...
هى اللى قلبى عليها بينادى ...
بقلــــــم : عــــادل الشــــــــهـــــابى
إرسال تعليق