"، "دكتور نفساني "، "
، "، "، "، "، "، "، "، "،"
من يوم ما أسامه فارقني
وأنا حالف اني ما اسمحه...
وبحاول أن انا أمسح
من وسط عنيا ملامحه...
تفتكر أن انا علي حق
ولا انا كان لازم اصالحه...
-كان ممكن هيكون احسن
-لو كنت سمحت أسامه...
انا جرحي مكنش صغير !!
-ماهو بردو الاوجاع يامه...
انا فعلا عندي اسامه
كأن أب وأخ كمان...
وأنا عيبي ان انا لما أزعل
أعصابي بتفلت مني...
ودا غصب عني اكمني...
مبحبش اي وداع
من يوم ما أبويا فارقني...
ف تملي بحط في باللي
اني اخلق اي مسافه
بيني وبين كل الناس
-بتخاف لا في يوم يخونوك
مش خوف ابدا واللهي
بعدين الخوف مش عيب...
انا بس بحاول اني
مبقاش من حد قريب...
-كمل
كان ممكن يوم اسامحها
لو كانت رجعت تاني...
مش ترجع تترجاني
لا ترجع ليا وبس...
انا اصلا إنسان طيب
وفي زعلي بداري النص...
ايه يعني زعلت شويا
فيها ايه لو عليت صوتي...
او كسرتلي كام فازه
او هنتها مره في بيتي...
ماهي بردو غلطها كبير
كان لازم تاخد بالها
ومتحكيش ويا امير...
كان لازم بردو تقدر
أن انا كان دمي معكر
وأن انا على اد ما بزعل
ف دا كله لاني بغير...
-حبيتها كتير
حبيتها...
وسعات بلاقيني لواحدي
واقف قدام باب بيتها
وسعات بسرح في صورتها
وسعات بتعب تفكير...
ممكن نحكي في شئ تاني
-طبعا خد راحتك خالص...
كان ممكن أبويا هيفرح
لو شافني بلبس الجيش...
طول عمره بيعشق بلده
ومصاحب في الدراويش...
ووصيته قبل ما يرحل
إياك تتخلا يا ولدي
عن بلدك وقت الضيق...
إياك متكنش فدائي
وتحطها جوا عنيك...
-كان نفسك تطلع ايه
كأن ممكن ابقي مهندس
او حتي أكون دكتور...
غير بس القدر الغامض
خلا المرغوب محظور...
فأنا هفضل احب الضلمه
علشان مش لاقي النور...
وهحاول يمكن اخللي
الممكن مره يكون...
-ندمان علي شئ في الماضي
ندمان طبعا دا اكيد...
ودا طبع الواحد فينا
بيبص هناك لبعيد...
وبينسا حجات في اديه
مش عارف حاسس ليه...
ان انا حالتي بقت اسواء
تفتكر ان انا هتحسن
ولا انا دوشك ع الفاضي...
-ادوشني يا عم انا راضي...
شكرا ع الوقت يا دكتور
-العفو يا سيدي اتفضل...
-في علاج هنكرره تاني
-وانشاء الله تتحسن
"، "، "، "، "، "، "، "، "، "
إرسال تعليق