عـــاوز أعيــــش ....
عاوز اعيش زى الناس ماعايشه ...
فرح وراحه وأيام وحشه ماشيه ...
عاوز اعيش زيى أنا زيهم ....
ياخدوا سعاده من عندى وأخد فرح أنا منهم ...
ووقت الشده يكونوا جنبى وأكون أنا جنبهم ...
عاوز حياتنا تكون بالخير دايما مليانه ....
والحياه نعيش حلوها ومرها يروح وينسانا ...
عاوز أعيش فى دنيا الكل فيها حبايب ...
ونكون لبعض مخلصين حتى لو ماكوناش أرايب ..
بحلم أعيش فى دنيا ورديه ...
دنيا تاخدنا وللفرح تكون معديه ...
نكون أحنا لحنها وتكون لينا أغنيه ...
بحلم اعيش فى دنيا مافيهاش لحقد ولا غيره ..
دنيا تكون ناسها كلها طيبه وأميره ....
بحلم وأكيد حلمى جه مشروع ....
بحلم يرتاح القلب اللى بين الضلوع ...
بحلم بقانون حب بينا يكون موضوع ...
عاوز أعيش وأنسى أحزانى ...
والهم ما يعرف يوم تانى عنوانى ...
عاوز أعيش حياة جميله ...
فيها الناس يكونوا كلهم عيله ...
يرحلوا الوحشين ويبقوا الناس الأصيله ...
عاوز أعيش زى الناس ما عايشه ...
فرح وراحه وأيام وحشه ماشيه ...
عــــــــــاوز أعيـــــــــــــــــش ...
بقلــــــم: عــــــادل الشـــــــهـــابى
إرسال تعليق