فاكر صحبي وفاكر جاري....
فاكر ساره....
البنت اللي تمللي بتملا علينا الحاره....
عرفين....
عرفين الشمس أما بتطلع
وتدب الروح في البني آدمين...
عرفين...
عرفين الندا لما بيغسل
الورد كمان ويا اليسمين...
عرفين....
عرفين المعني أما بيطلع
من قلب قصيدة عمي جاهين....
عرفين....
عرفين الرقه المنقوشه
علي كف. وخد. ورمش. وعين....
أهي دي ساره....
ساره....
كانت لما تهل وتنده
تترسم الفرحه قصاد عيني....
كانت أهلي وكل أحبابي
صحبي واخويا صديقي وجاري....
ويومين
ويومين والفرح خلاص غادر
والحظ مسافر مع ساره....
هتعزل وتسيبني لوحدي
غرقان في بحور صمت الحاره....
ومابين جوابات ووعود ترجع
انا صابر علي كل خساره....
علشان ساره....
الضحكه اللي بتحيي شفايفي
وتشيل تكشيره ولوية بوز....
وترجع قلبي لشبابه
من بعد ما يصبح حد عجوز....
وتعشق فرحي في خطويا
وأضحك مع أن انا واد نرفوز....
علشان كده.
بفضل استنا ترجع ساره
وتدق الفرح في عين ابواب
كل الحاره....
ساره....
^'^'^'^'^'^'^'^'^'^'^'^'^'^'^'^'^
إرسال تعليق