(صورة ف صورة )
انتظرونا بعد الفاصل
نوة قاسم جوا ديسمبر
والمكنسة قبليها بشوية
قوم يا وزيرنا عد وقايتك
خلى عروس البحر ف بالك
وان وجودك مش حراسك
وان حمايتك
قبل الدوخة تعِد وقايتك
اشرب قهوة صبحك واجرى
بين الشط وبين المبنى
كان على كرسى سعادتك
واحد ..سابنا
الكهربة بتموِّ فينا
لما الميَّة بقِت مترين
جالس يشرب كاس غرقانة
بدم الطفل ودم الشيخ
عمال ينحت ف البطيخ
كوم ورا منه
ببخَّرُوا فيه
م الحساد
أصل الواد مفتول عضلاته
بيركب عجلة
وتكتك روحه
بيخطف منا القوت والزاد
صورة ف صورة
وطلعة واد
جوا بطاقته
من نيويورك
وحبة مصرى
وحبة منصب بغزِل فيه
من كاس عواد
انتظرونا بعد الفاصل
لا النجَّار هانقول على بابه
مخلَّع
ولا الدرس شربنا كاساته
وقومنا فى ليلنا
نصد العتمة
والهالوكة جذورها نقلَّع
ما نخليش الموجة تاخدنا
وتودينا تجيبنا
تشخلَع
ــــــــــــــــ
نوة قاسم :4ديسمبر
نوة المكنسة : 16نوفمبر
تنذران بمطر شديد حسب التنبؤ بالارصاد
إرسال تعليق