أنا انسان..
ولا بننسي سنين عدت
ولا بنصاحب الاحزان
ولا بنطلق الدنيا
ولا بنعاتب الغفلان
ولا بنقسي علي روحنا
ولا بنحرمها م التوهان
منا انسان بتوة وارجع
بشوف الحق وبحبة
لكني ساعات بكون غلطان
ودي روحي مع الملكوت
تروح مني وترجعلي
مهي مني بترسمني وبالألوان
ولون الذلة فيها اسود
ولون الطفل عود اخضر جميل فرحان
ولون القلب اصلة ابيض
ولون الحيرة دوبني مع الالوان
لا انا عارف أنا اخضر بضحكة طفل
ولا عارف انا اسود بعقل شيطان
لكن عارف بأن القلب اصلة ابيض
بحاول أمسح الحيرة
وأصالح طفل جوايا
واقابلة تاني بالاحضان
م انا انسان طبيعتي اعشق الالوان
أنا أنسان
إرسال تعليق