طالع ع بالي شروقي
--------------------
لما عيون السما بكيت على الطرقات
انْبلْ الحرير البريِ تا بيّنوا كوازو
تمسمر بلحظه النظر وتكهربوا الخفقات
في قلب شاعر بيعرف شو بيعتازوا
-----------------------------------
نادا عليكِ تعي تا نْرجع السهرات
من عُمر النا الشِعر خفْق جنح بازو
ومع بعض نمحي العتم خيطين بالشمعات
وبالنور نكسر لطيف الحزن بروازو
----------------------------------
بيكفانْقضي العمربالاه والنهدات
الا اللي ضحوا الو بالحب ما فازوا
حاجي خيول الجفا تمرح بهالساحات
ويضيع هيك العمر هزه ع هزازو
-------------------------------------
ال خلْد بعمرو ذِكر ما يوم قالوا مات
قصر التجافي ضروري انكسر قزازو
وقديش حلو العمر ترجع الو السهرات
من قبل ما ننحني ونحتاج عكازو
------------------------------------
بقلمي راضي مشيلح
إرسال تعليق