كنوز القلب
قصيده من كتابي سر الحبق
================
عيوني بحر والموج يتْدَفَّق
ووجهك شمس قُرص الشمس شفّقْ
وعالبحر لما فات فيو بات
رجعت اليي الاحلام تتحقق
وشاعر انا خلقان تا احكي
وارسم لوجهك صور بالمحكي
وان ضاعت الصوره
ال بالعين محسوره
بتصير روحي ع الهدا تبكي
كوني وفيِّه مثل قرص الشمس
وكل يوم ع ذات الدرب عودي
لا تقتلي فيي الحواس الخمس
وظلك معي تا حس بوجودي
وتايظل رسمك بالبحر منصان
لا تفزعي ان غَمَّضْت عينيي
بعرف انا موج البحر خوّان
بيقذف كنوز القلب يوميّه
وبتضيع بين الرمل والنسيان
وهيهات
وهيهات اقدر ردها ليِّي
====================
راضي يوسف مشيلح
إرسال تعليق