بقلم/// محمد سالم *****اللي بينا وبينكو تار

اللى بينا وبينكوا تار

***********
مصر ساحة إنتصار - واللى بينها وبينكوا تار
إتكسر فينا الحنين بعد لون توبنا الحزين خدنا القرار
اللى بينا وبينكوا تار

إزرعوا الشوك فى البدن وإقتلوا إخواتنا الصغار
وفى وسط ساحة الزمن تحصدوا الخوف والدمار
واللى بينا وبينكوا تار

إبتدى دق الطبول وإتسمع صوت المغول فوق الجدار
وسط الضباب النسر طار فارد قلوعه وإبتدى يبدر شرار
واللى بينا وبينكوا تار

نفس الرجال نفس القلوب نفس الأسود جوه الحصار
بدأت فصول المعركة وخيوط كتير متشبكة والغدرعار
واللى بينا وبينكوا تار

مصر ساحة الإنتصار - مصر خير مصر العمار
مصر ساحة الإنتصار - مصر فوق أى إنكسار
مصر ساحة الإنتصار - مصر بينها وبينكوا تار
محمد سالم