ياصرخه غريق
*********
سهم الموت مهدى و مقدر معدى كاتب إنهيارنا
والخوف م الطريق ولا م الصديق ولا من ديارنا
وزمنا اللى ثار والليل والنهار رافضين إعتذارنا
يا حسرة قلوبنا من عذاب ذنوبنا لو يحضر قدرنا
غدر وغدارين عاشوا بالسنين وإتداروا ف سمارنا
ياقلب المرارة والقتل بمهاره والخاين ظلمنا
ياصرخه غريق وملاكنا البرئ اللى بموته نارنا
صوت الحق ضايع والموج اللى راجع فكرنا بمرارنا
ولا كان إختيارك ولا كان ليك قرارك ولا كان إختيارنا
رسموك ع الجدار وإيديك الصُغَار ماسكين إنكسارنا
وحصار الدموع وف لحظة خشوع يتبدل وترنا
نلقى الموت حياه فى زمان الطُغاه اللى هدموا دارنا
محمد سالم
إرسال تعليق