أول السهرات
من كتابي الثاني حفنة غزل
=================
نامي ع زندي يا زغيره واتِكي
ع الصدر ليكِ فارش مخدات
يا حسرتي عيونك حزينه مدهدكه
وعم يذبلوا عخْدودك الوردات
خايف ربيع العمر يسأل شو بكِ
واعجز انا تا جاوبو بكلمات
بقلُّو حزن يما سهر يما بكيِ
يما دلال عليي هالغنجات
لا لا انا ما بحب احكي هالحكي
دخلك بيكفي هالقلب اهات
وبتعرفي قلبي بعمرو ما شكيِ
ولو عاش طول العمر بالحسرات
وبعدو فؤادي ما خفق الا لكِ
ولا ع دربك ما بعث نهدات
عودي مثل مَنْتِي بيكفا شربكي
فراشات نحنا بهالدني فراشات
مِنغُط فوق الزهر نعمل معركه
ونسرق من شفاف الزهر بسمات
ولو جفن عيني نِعس بيدك فرفكي
وقولي الُو اصحا يا عيب الشوم
ما اعتدت تغفا بأول السهرات
=====================
راضي يوسف مشيلح
فلسطين
إرسال تعليق