شروقيه
========
قالت انطرنني السبت صوبك انا رح طل
طالت الغيبه وعليك القلب بينادي
تخمين من هالبعد عطشوا زهور الفل
وحنو ع رشفة عطف من تمك النادي
جاوبت يا مرحبا فيكِ يا ست الكل
قلبي وبيتي الك هيدا اشي عادي
وبقمر وجهك تعي خلي النور يهل
ناطر قدومك انا ع نار وقادي
ويا ويل حالي اذا بوعدو القمر بيخل
وما عاد غنى اليي هالطير هالشادي
وحتى الدمعه من العينين تبقى تفل
رح ظل صلي بهدا للرب هالهادي
=====================
راضي يوسف مشيلح
فلسطين
إرسال تعليق