مصر مهما يمر عليكى رافعه ريات النصر
باهديكى
سنبله
واتنفس يا كلام جوايا
والكلمه هتكون شمعايه
تتزخرف بورود غنوايه
ويغرد عصفور ويايا
ويرفرف هفهف غصون
تتبدل الحروف
يتلون المءلوف
وينكسر القلم
والكمه فوق
سطور الخوف
بتفجر الالم
زلزال زلزل مشاعرى
وتواها بين التراب
وطوفان غرق مجاديفى
ورماها بين السراب
رغم المءاسى والهوايل
صوت جوايا قايل
هيعافر مركبى
وافرد شراعى للحياه
والكلمه مجدفى
يحضنها امواج النجاه
لاتهابى ياكلمه سلاح
مهما يطويكى جراح
وازرعى فى قلبى فلاح
خضره ف الكون براح
يتحرك قلمى المسنون
يتسن سنابك ع البندق
ويدك عداكى وراح يصدق
لو تطلبى روحه مايصدق
يفديكى وبقلب جاسور
نغزل جماجمنا سلام
يتحدى ارهاب الماغول
ينقش على صدر الحجر
مصر مش انسان بشر
علشان يموت
مصر تاريحها هرم
شيدها للخلود
واتزهزه يا سر يامكنون
هتنور كما النبراس
يرسم حياتنا ملونه
وكلامى هيكون حراس
يحرس بلادنا الطيبه
لوحتى يرمونى برصاص
او يقلعونى بقنبله
برضه كلامى خلاص
يزرع بدالى سنبله
هتظلل ولا ام حنون
إرسال تعليق