مليون سؤال
جوة الحكاية المستحيلة
وحاجات كتير
متبعترة وحاجات اصيلة
نزرع ف شوك
وبنشتكي ريحة العفن
والورد مات
و البذر ملفوف ف الكفن
وبذور شيطان
مزروعة في عقول البشر
والابن بيعلم ابوة الروشنة
والاب مهموم بالسفر
يابلدنا عايزك عالية خالية من العيوب
انا نفسي اغلط وانتي تمحيلي الذنوب
ولما ابكي تحرق دموعي الشوك
يخضر وردك والنسيم يعلي بهوانا لفوق
وعزف مصري يدندنة صناع كفاءة وذوق
دكتورنا يسمع لحننا ومريضنا يشفي يروق
والمر يحلي بجهدنا .ديما يضيع ويدوب
والشهد يملي أرضنا وديما نكمل بعضنا
ونعلم الصبر الأمل ولا نرضي الا بالعمل
ونرضي بالمكتوب..
بلدي عروسة والحنة خضرة بكعبها.
محتاجة بس قلوب..
امتي هنرجع لها وفي ارضها ندوب
إرسال تعليق