العنصرية حتي في رفضها.
حتي كلمة .لما لا يصبح ابن العامل قاضي .
هذة الجملة تحمل في طياتها العنصرية الدفينة مع ثقافة الشعب المصري نتيجة عهود طويلة من الماضي.
والافضل أن نعلم قيمة العامل اولا وان يعلم هو نفسة قيمة عملة وأن يرفع رأسة عاليا ويتباهي بنفسة لمعرفتة انة يؤدي عملا مطلوب واهم من غيرة من القضاة واصحاب ما يسموا بالمناصب الرفيعة وهذة الكلمة والمفردة العنصرية والتي خرجت من كتاب المصطلحات العنصرية ..مثل ان يقاس ابن الناس بأموالة واموال ابية وليس بأخلاقة ومبادئة ..ان يتباهي البعض ويقولون ان لنا دكاترة ومهندسين وعلماء وينسوا ويتناسوا انهم خرجوا من رحم اب فلاح وام فلاحة أميان ولكن افقهم الغير متسع وامراضهم النفسية تمنعهم ان يروا ان اباهم وامهاتهم ربما يكونوا اعظم مليون مرة من هؤلاء الدكاترة والمهندسين والقضاة .ووووو.ياسادة العنصرية مرض مصري متأصل فينا ولن ننجوا بمصرنا الا بعد القضاء علية..اللهم بلغت اللهم فشهد..
انا فلاح انا عربجي انا العامل
انا المصري بسيط الحال
انا جندي واقف بسلاح
يموت لجل الوطن ينشال
انا الي بشيل بلاويكم ،
وطول العمر احايلكم وبرضيكم
انا الي بشاقي من صغري
انا الي بعافر الايام
انا موال حزين يتقال،
انا الفاشل في حكاويكم
انا الي ف قاموس السب
،حاضر قبل ياابن الكلب
وبتقولوا بصوت صياح،،
د واحد عربجي فلاح
انا المصري الي بتعايروة،
،ولا ترضوا يهوب يم نواحيكم
وبتطالبوا بحرية وآل عايزنها مدنية،
وواحد تاني دينية
ولو واحد عرض كلمة
تخالف كل حكاويكم
وشوشكم كلها تحمر
وتنطق مفردات ليكم حفظناها
انت مين يافلاح
وانا فلاح منيش دجال
ولا لية مرة عزفت لغير موال
يطرب كل نواديكم
ولاشاعر رمي احساسة ف الهوجة
بيكتب شعر سبوبة يليق بيكم
واعلامي بحروف ضايعة
،ملوش معني بقناة بايعة
يغازل بالحروف سيدة،
ومتواطئ علي عبيدة
بقي اسمة كلام ,,دة يرضيكم
تثنوا قانون لمتسول ،
وتنسوا الي سرق اوتة
تسبوا جهول عشان جهلة ،
وكل الجهل نواحيكم
مهو مش فاضي للتعليم ،
وضاع عمرة علي اوتة
وبتعايروة بوشوش كالحة
واتاري الجهل جواكم
انا فاض بية م الموال
بعيدة وكل يوم يتقال
يابلدي عندي كلمتين ليكي
دواكي كلة ف اديكي
عنصرية مع حرية متجيشي
وحرامي مع محامي
بيتفقوا علي الاتعاب
فساد بيئي وتوظيفي
ونصب باسم حرية دة يرضيكي
دة ارهابك مهش محصور ،
عشان خاين جبان مآجور
خلاص الكل عرفينة ،
،ومات والله مع سنينة
دة ارهابك في تعليمك،
ثقافة غريبة بتشينك
مهش لايقة علي اسمك
ولاوزنك في عين جميع محبينك
انا فلاح انا عربجي
انا واحد من العمال
انا المصري بسيط الحال
انا الي لا عمري يوم خنتك
ولا سبتك
انا الي بموت علي ارضك
انا طولك انا عرضك
انا الي رغم كل الظلم
بقدر كل يوم فضلك،
ان الي بصلي ودعيلك
انا جندي انا شرطي شريف بيموت
ياريتة بس يرضيكم ويرضيكي
انا انظف ما فيكي يامصر
انا اصلك وأصل الاصل
انا هسكت عشان اصلي
لو اتكلمت مش هخلص
ولاعمري هبطل فصل
بعاتبك اصلي بحبك واحب كل من حبك
واقول يارب يحميكم ويحميكي
بقلم التاريخ {عبد المنعم البيلي}
إرسال تعليق