يالى الحُروف وياك
===========
يالى الحُروف وياك
والقلب واخده معاك
سايب القلم مرهون
ماله لاشكل ولـــــون
غبت ونسيت جواك
عهدى معاك وهواك
لما بشوفك يوم
وده كمان مايدوم
وتغيب عليا ايام
وابقى مع ألاوهام
نفسى اسمعك واراك
وانت ماليا سواك
لما يهل هلالك
ويبان سماك وجمالك
يصحى القلم بكلامه
ويروح غماه والامه
يكتب كلام لرؤاك
اجمل كلام لرضاك
مااعرف دا فين اراضيك
علشان اروح اراضيك
حتى ولا اسمع صوتك
او فيه رسول يناجيك
دا دوايا حبره رؤاك
يالى الحروف وياك
الشاعر / الامير محمد على
إرسال تعليق