قمر وقنديل
=======
اذا بحر الدمع عليت مواجو
وركض عالشط قدّم احتجاجو
بيكون القلب بدو علاج شافي
وغيرك مين لَ قلبي علاجو
تعالي لصوب منو ولا تخافي
سْالي عنو وشوفي احتياجو
فْلشي حالك عليه حرام دافي
وسويه مع بعض ضلوا تْناجو
عرفتك ملهمه وكلك رهافه
ومتل الفجر ساعة انبلاجو
طال البعد دخلك عاد كافي
تعالي الحب تا نْعمر براجو
وحتى سراجنا ما يظل طافي
طلي الوقت تا نغير مزاجو
قلبي سياج لاقلبك بيبقى
وانتي للقلب كوني سياجو
================
شعر ==راضي يوسف مشيلح
فلسطين
إرسال تعليق