علشان بينى وبينك .. مسافات ..*حسن السحماوي

حسن السحماوي

( همسات الوجدان )
........................
علشان بينى وبينك .. مسافات ..
قربت عليكى .. وندهتك
ولقتنى باعيش المدادية
فى همسك ....... ليا ..
غمضت عنيا ... وكلمتك ..
حسيت بهواكى بحنية
وعشقت حروفك ورسمتك
ااجمل صورة جوة عنيا
بروازك فضى ومتعلق
على شباكى ..
وأنا كل مايوحشنى هواكى
أرمى شباكى .. جوة عيونك
أصطاد ... رمشك ..
وياخودنى حنينك لهواكى ..
أعشق .. همسك ..
وياخدنى هواكى ويحدفنى
فى شط حنينك
اعشق عمرى .. وكل سنينك
علشان بينى وبينك مسافات ..
وحشانى حروف الملاغيه
لما باشوفك واسمع صوتك
على قد ما بفرح بلقاكى
باكره وبخاف لحظة هجرك ..
واااموت واغير فى حاجات .. وحاجات
علشان بينى وبينك .. مسافات
.........................

فارس الكلمة ..

حسن السحماوي ..