حاسس كأنى
للشاعر مدحت عطية
كأنى ورقة وقعت فى ليل خريف
أصرخ فى سرى أجرى جنب
الرصيف كأنى دخان
فى بخور كأنى طيف
كأنى نسمة مخنوقة فى صيف
كأن .. وكأن
عمرى إلـ جاى منه عدى
كأنى نسيت
فى أيامى .. النهاردة
كأنى أنقاض
حاسس جوايا .. هدة
معرفش أكتب ضحكة
معرفش أرسم وردة
كأن إلـ كان
حيكون كأن إمبارح
جاى .. بكرة
كأن مسروقة أيامى
مش لاقى حتى الذكرى
كأن الشمس
ملهاش .. ضلايا
كأن الفرحة نسايا
كأن الأهات
موجودة من يوم ماوعيت
يا مايا كأن الاحزان
مولودة فى نفس اليوم معايا
إرسال تعليق