--------الحب المرفوض-------
ازاي يبقي الحب بعقلك
وقلبك يفضل كده مقفول
ازاي هاقدر اني اصدق
ان غرامك عمره يطول
امتي هاحس بنبض حنانك
والقي الدفا جوه ف احضانك
لاء مش هاقدر مره اصدق
انا هاكره عقلك علشانك
عاوز حبي يكون ف القلب
وانا اصدق انك بتحب
لكن بصراحه ومش هاكدب
انا حاسس ف هواك بالذنب
لوهتحب بعقلك اعرف
ان الحب مابينا محال
وان غرامنا مجرد كلمه
ع الورقه وبينا بتتقال
انا بارفض كده من اولها
انا حبي مش كلمه نقولها
انا عاوز حب بيتحس
مش حب من الاسم وبس
-------الحب المرفوض--
كلمات
خالد الكردي
إرسال تعليق