مهو حلم الليل داير بيدور ع المخاليج وانا حلمي اكون عايش مستور
من صغري بغازل احلامي
وكأنة جدار او بيت مهجور
انا ماشي وعايش ايامي .
مستني يصبني ف مرة الدور
وانا برمي شباكي مع المخاليج
في نهار مولود من ليل هارب بشعاع مكسور
ونجوم فايتة الليل الصافي ناسية الاحلام
الغزل باينة كان مبلول
داير في دواير مش معدول بيلخبط فيها عداد الدور
وانا حلمي الستر للمخاليج
وطاقة نور متوضية من نهر النيل
وتمد الخطوة برجليها وتغزل نورها بخطاويها وترمي بذور
انا حلمي الغزل يكون مصري
انا نفسي تكون بلدي الاولي وشعاع النور.
انا ستري ماينفع غير بيها .
انا حلمي اكون عايش مستور
بقلم الشاعر عبد المنعم البيلي
إرسال تعليق