( أجمل حب ) للشاعر / أحمد وهبي
.*************************
أجمل مافيك ياحُب وانتَ من بعيد
زي الورود مانشوفها ولا تلمِسها إيد
مين اللي قال الورد من لمسهُ يعيش
كان ليه دِبل واللا يميل ماتغشنيش
الورد نادي في غُصن عالي بزهوتهُ
عايش سعيد وهو بعيد عن لوعتهُ
لكن كلام القلب بتقولهُ العيون
ولا يمنعوش مليون جبل ولا بالجنون
الحُب أصعب من حساب يوم الوعيد
أجمل مافيك ياحُب وانتَ من بعيد
قالوا الندىَ فوق الورود بيزيد جمالهُ
ولمّا شافوا دمع الخدود بيقولوا مالهُ
فسألتهم بين الورود واللا الخدود
ولقتني عايش كم سنه من غير ردود
ياللي بتهدوا الورد طب ليه بتبوسوه
دي مقدمات للخد ناويين تقطفوه
وكُل واحد بيشوف هواه أغلىَ هوىَ
ويحس نفسهُ إنهُ الوحيد اللي انكوىَ
وبدايتهُ ونهايتهُ أكيد مافيهاش جديد
أجمل مافيك ياحُب وانتَ من بعيد
..........................
إرسال تعليق