شخابيط إبراهيم خليفه رمضان
1
تسمح لي احكيلك
وأقولك
عن شخابيطي
وملامحي اللي بتظهر
ف النني وف الوش
المليان حواديت
ف القوله اللي بتخرج
م الصخر ياقوت
وساعات تيجى بالعكس
وبالمقلوب
يطفح جوانا الكيل
المتعبي
قزاز ... برواز ... هزاز
واحس ان أنا عايز
أصرخ من جوايا
وخايف
لحسن حد يشوفني
ويقول علي ضعيف
ادحرج بره الذكري
وارسم بنوته اتشكل
من جواها ملامحي
وارسم ان البنت دهيه
عايزه تاخدني
ترقص ويايا وتحضني
اتشكل جوايا الفرح
2
ترفض لغة الحزن
ولغة الجرح
ورغم الجسم النحفان
قادرة تاخدني
اف باطها ونام
تصحي الشمس ويصحي
كل الخلق النعسان
يصحي الحزن يفجر فينا
لغة الاوهام
والحلم اللي مره نداني
وقالي :
ارمي الشبكة جوه البحر
راح تلاقيني
غيرت المهنة ورحت اصطاد
ورميت الشبكة جوه البحر
وفضلت كتير مستني
يطلع لي دليل
ان الحلم جوه الشبكه
ولما اتعبت ومليت
مديت ايديه اسحب الشبكه
لاطلع الحلم ولا طلعت فى ايدى 00000
إرسال تعليق