أنا السجين وفى السجن أنا السجان
مابين العشق والهوى عملت ليا مكان
جنب النجمــة وفى حضـن ظلام الليل
رسمت طريق الحنين يبقى منى أمان
كنت أسير العيون وفـارس بلا خيّــــــال
عاشق بنات الهوى وفى العشق ترحال
ولما أنام وأدخـــل فى حـــلم وحـــدتى
يعشقنى صمت المكان فى قيود ورمال
حبيت أفك الآســر وأطيـر فوق السحاب
لاقيت الآنتظار عند السما أشد عذاب
قولت أعدى بحور الحلم وأحضن أمواجها
لاقيت النجم واقفلى يشاور مع الآحباب
أنا اللى كتبــت العهــــد وكان مـوعــــود
وكنت معاه السجان و بسجن بلا حدود
مستنى كلمة منهـــأ تنادى بشـــــوق
أنت اللى بنيت معاه الحلم بأحلى سدود
********************************
بقلم . محمد لبيب مصيلحى
إرسال تعليق