"كافيه"
أنا مش ملاك
أنا بشر
أنا مش هلاك
ولا خطر
انا مطر
انا حجر
أنا حد بسيط
عايش بسيط
خايف لسانى
ما يكون حويط
مايورطنيش
جوه المحيط
أصله غويط
أنا مش حويط
مواطن غلبان
قلبه حزين
عايش جبان
ومن سنين
ما تحاسبونيش
وما تقصونيش
وليه وليه ؟!
ما تساعدونيش
سيبونى أقول
ما تصادرونيش
وارد أحب
وارد أدوب
وارد أغلط
وارد أتوب
سانين ليه عليا السكاكين؟!
وفارشين ليه الأرض بطاطين؟!
علشان قصيدة ؟!
علشان مقال؟!
علشان يا ناس
نفسى أعيش؟!
ما تقصونيش
ماتحاكمونيش
سيبونى أعيش
ما تحاصرونيش
نفسى أقول
من غير خوف
على فكرة
بدأت أحس بتغيير
بس إزاى ؟!
هو فين التطوير؟!
وازاى كمان ؟!
تمنعوا التطبيل
أحمد مرعى
إرسال تعليق