***********حب ميت**************
****************************
خلاصة الموضوع
مبقاش فى بنا رجوع
ولاينفع عتاب فينا
وكلامنا مش مسموع
وبعد ماكنا غنوه
فى عالم العاشقين
بقينا انا وانتى ليه
من بعضنا خايفين
والشك عشش فينا
بقينا مش حاسين
ماتت معانى الحب
بقينا مش شايفين
مش شايفين عيوبنا
وبنتعب بس فى قلوبنا
ونتخاصم ونتصالح
ماغير الحزن بينوبنا
بقى هو ده الحب فى حياتك
انى اسكن ذكرياتك
ولا ابكى لو تغيبى
لاصدقينى الوقت فاتك
مش هاعيش طول عمرى خايف
على حب ميت من سنين
ايوا عارف انه مين وانهارده عليه حزين
مش حزين عليكى انتى
انتى اصلا تبقى مين
انتى بالنسبالى موتى
وانتهى معاكى الحنين
لاكن حزين على عمر عشته
على عشره دامت ولسنين
كنت فيها معاكى طيب
وماكنتش اعرف انتى مين
امشى وسيبينى الله يسامحك
اصل غدرك بين ملامحك
بس مدارى فى انين
****بقلم:عادل جمعه****
إرسال تعليق