ايوة انا كوكتيل بنات
مرة تشوفنى انى عاشقة
تسمع كلامى ف السكات
مرة تشوفنى بسكوتاية
احلى من غزل البنات
بس عارف، الله يجيرك
احترسنى وقت العناد
ببقي غول
تقولش صول
ميطلعش مني غير صوات
بس لو سمعت كلمة معاكسة
اخليك تقول يادى الشتات
يا بت غاوية تجنيني
وتغلبينى وتكفريني
خلاص طلعتى بجد عيني
معجونة بمية عفاريت
قطر مفارق للشريط
خليتني خلاص بقول
البيضة الاول ولا الكتاكيت
انتى بجد ومن الاخر
تراجيديا من النوع الساخر
تموتى جدا في التخطيط
لو قولت نروح الزمالك
تقولى مليش الا الاهلى
طلعتى عييييييين اهلي
وشبعت شرب من المحيط
لو فكرت انى اهاديكي
وادعي ربنا يهديكي
واحارب ال يعاديكى
تقولى عليا انى حويط
يا احلي وارق بنوتاية
وفى حسن الجمال آية
فهميني ايه الحكاية
انا توهت من كتر التخبيط
ده اللى يحاول يفك لغزك
او يقول انه عاوزك
يبقي بجد بجد عبيط
إرسال تعليق