دمها فِ إيدينا:
أنا تعبان ..
مش عارف ليه
أنا زعلان ..
وكمان
مش عارف ..
زعلان ليه
أنا بتقطع ..
من جوايا
أيوة بموت ..
مش عارف ليه
أنا مسلم ..
و موحد بالله
و للا مسيحي ..
الدين لله
بس أنا
في الأول والآخر
مصري بغير..
على ديني وْ وطني
كنت أنا صح..
وللا أنا غلطان
مين ؟..حقه..!
يسلب إنسان
روحه..عمره..
ناسه..أهله..
كل ما ليه
مين؟من حقه
يكفر..فينا
مين؟إداله ..
تفويض..فينا..
مين بيقرر..؟
مين هايعيش..؟
مين..هايموت
إيه خلاه..؟
يعمل..كده فينا...
إللي يشيل..
وطنه..جواه
إللي يبيع..وِ يخون..
كده ناسه
و إللي..بيمشي..
ويا..هواه!
إللي..بيحصل!
و إللي..هايحصل!
قولوا ياناس..!
إيه..إللي جرالنا
ليه..؟ننهش..!
لحمنا..بسناننا
ليه..ناكل..؟
في حقوق بعضينا
ليه خايفين..؟
م الناس!وِ خالقنا ..
ليل و نهار..كده
عينه علينا
فوقوا..ياناس
إصحوا..بقى كفايه
عايزين إيه..؟
يحصل..تاني لينا
آدي شهيد..
وِ بْيدْعي علينا
وإبنه يقول..
ربنا..عالظالم
وآدي مظلوم..
دسناه..برجلينا
وقت صلاته ..
يْحَسْبِن.ْ.فينا
وإحنا..كمان..
ذنبنا..فِ رقابنا
لما..الدنيا..
هاتيجي علينا...
تظلمنا..نحزن..نتألم...
أصلنا عايشين..
كده في..الدنيا
علشان بس
نحسب..ونرتب
إزاي..نيجي..
قوي..على بعض...
نظلم..نجرح
ايوة..نخون..
لو لزم الامر
بس..ازاي ؟..
نظلم..بقى..أرض
شالتنا..حَمِتنا..
أم وكانت..
بتحاجي..علينا...
اتربينا..سنين..
على خيرها..ربِّنا
يحميها وْ يحفظها..
وخصوصًا..مِن
غدر وْلادها
وقبل..ماتيجي!
لحظة غريبة..
بجد.ْ.علينا..
غدر..وْ خِسَة
وْ موت..لِضميرنا
قلت..يارب..
إرحمها..وْ صونها..
قبل..مابرده..
تموت..بإيدينا
أصلْ الأرض.ْ.دي
غالية..علينا...
أم الناس..
وْ لكل.ْ.الدنيا
أم..أصيلة
ليها..ولينا
بس..الدنيا..
بْحالها..ياربي
جايَّه..عليها..
قوي..وِ علينا..
صونها..يارب..
و إحفظها..بحفظك
مالهاش غيرنا..
و إحنا..كمان
نفديها بروحنا
ونشيلها..في
حبا بي..عينينا
أمِّنا هي..
وْمالناش غيرها
يبقى إزاي..
رخصت..فِ عنينا
إزاي نقدر..
ناكل..من..خيرها
واحنا..يا ناس..
دمها..في..إيدينا ! ؟ .
إزاي نقدر..
ناكل من خيرها
و إحنا يا ناس..
دمها في إيدينا
وإحنا ياناس..
دمها..فِ إيدينا ... !! ؟؟
إرسال تعليق