**********************أندهولها**********************
*****************************************************
.
أندهــولها وكلموها اٍنى ليها كل حاجـة
مهما يحصل فهموها ان هى ليا الريادة
وفهموها أن بيها قلبى عايش سعيـــد
كل الحكاية ومن البــداية عايـــز القيادة
أكــــون ما بين العيــــون عاشق وحيـــد
أسكن معاها ميدان الحنين وأكون عنيـد
لا تقولى روح كلك جروح ولا يكون دموع
نفسى مرة أشوفه مرة فى توبه الجديد
وبلغوها من البداية عن حيــاتى للنهـاية
ليه حياتى كانت معها هى بداية الحكاية
يمكن تسامح غيرة عيونى لما تشوفنى
قلقـان عليــها وروحى فيــها وهــى معايا
عرفوها وبلغوها مهما يحصل بينى وبينها
هافضـــل طــول حياتى مشتــاق عيونها
وأسـألوها ميـــن وميــــن اللى كان وكان
عايش حيـــاته يرضى بس مجرد غرورها
واٍن قالت ليكم اٍنى معاكم هاتو الشهود
مابين همس المشاعر فى ذكرى الخدود
هـــى تشهــد عليا وعليها وعلى كلامها
ميـــن فينـــا اللى باع وهد فينا الســدود
عــرفوها وحياة أبوكم اٍن روحها عنــــــدى
عايشـــة فى دمـــى وهى أبــويا وأمـــى
واٍن عمــرى طول السنين ما شاف حنين
الا وهى ما بين حياتى وساكنه عمـــرى
.
********************************
******بقلم : محمد لبيب مصيلحى******
******************************
إرسال تعليق