لو خيرونى زمـــــــــــــــــــــــان وتركولى الاختيار -----
ما كنت جيت على قلبى ولا كنت أخذت قــــــرار
ودا ذنبى إنى مخبى حُبى فى وضح النهــــــــار -----
قالولى زى القشطة وعيلتها من الاخيـــــــــــــار
قلتلهم حبى اّولى وبلاش تزيدوا النـــــــــــــــــار -----
ردوا علّى وقالوا هو دا طلب الكبــــــــــــــــــــــار
فسألت شيخ عيلتنا إيه رأيك فى الحـــــــــــــوار -----
قاللى بلاش تعصيهم وسلم للقـــــــــــــــــــــرار
دى الجنة بين اياديهم تعصى تروح النــــــــــــــار -----
همّا الصعايده كدا العشق بينهم عــــــــــــــــــار
لو خيرونى تانى لأحلف واسيب الـــــــــــــــــدار -----
دى الجنة من غير رضا زى الحليب لو فــــــــــــار
الشكل شكل اللبن وخيره منه طــــــــــــــــــــار -----
يا ناس كفايه دجل دا الحب لينا قـــــــــــــــــــرار
لو دار علينا الزمن هتلاقى قلب عمـــــــــــــــــار -----
ويّاه لسان كالعسل والعقل فيه آذكــــــــــــــــار
متلاقى لحظة كسل ولا نمنمه فى حـــــــــــوار -----
ولو خيرونى تانى لأحلف واسيب الـــــــــــــــدار
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تحيــــــــاتى --- الشاعر ( عبدالله الحجـــــازى )(282)
إرسال تعليق