أجمل انسان
كل يوم بتزييد حلاوتك ------------- وبشوفك اجمل انسان
وافرح بيك وبأبتسامتك -------------- اللي بتخليني هيمان
يا أبو عيون جميلة وكحيلة ----------- يا نسيم زهر الريحان
بكل وقت وفي كل ليلة ---------------- بفكر فيك من زمان
ما جمالك مأثر فيا --------------- وفي خيالك دايما سرحان
أنا لا كان بيا ولا عليا ---------------- وكان حالي قبلك أمان
من يوم ما شوفتك اتغير حالي ------ وانا دايما في توهان
وتيجي تملي على بالي ------------ انت جن ولا انسان ؟
سحرتني برموش عينيك ------------ يا ابو جمال جدا فتان
قولي اعمل ايه الله يخليك --------- قولي وصفة للنسيان
دايما احب اسمع صوتك -------- واشوفك دايما ايوه كمان
واحافظ على مواعيدك لا تفوتك ------- واكون عليك قلقان
نفسي تكلمني دقيقة ---------------- وتقولي كلمة حنان
انا بتمنى لو بالحقيقة --------------- اكون لك حتى خدام
بس اشوفك ومتحرمنيش -- من طلتك يا ابو ضحكة جنان
كل يوم بتزييد حلاوتك ------------- وبشوفك اجمل انسان
كلمات / ابراهيم الغنيمي
إرسال تعليق