(بيسألني قلبك)للشاعر / أحمد وهبي
**************************
بيسألني قلبك ياقـــلبك ياقـــــــــــلبك
ليه فضَّلت بُعدك ليه عايش لوحـــــدك
وقُلت بصراحه . مش عايش فى راحه
وتسألني وعندك كُل جـــــــواب لقلبك
بتعوزني أجيلك في نهـــارك في ليــلك
وساعة مااجيلك تِشكي من حــــبيبك
وامورك غـــــــــــريبه ماتقولهُ الحقيقه
إشكيلهُ يجــــــــــاوبك دا أولىَ بدمعك
بس أنا مش هــــــــافيدك وكلهُ بإيـدك
لو عــــــــــــايز بريدك يرُد في رسايلك
فين صدقك معـــــــايا بصوره فى مرايا
تحدد مصـــــــــــــــيرك لنفسك بغيرك
للورد في خـــــدودك وتِشجى وجودك
بنظره لشفايفك ولمــــــسه لضفايرك
ويقولها دي حـــــــــــلوه ويغنيها غِنوه
ويشوف ابتسامتك يســــتعجل لقُربك
وتقوللي في ردك لو مازاد في بُعــدك
أشواقك وحُبك هـــــــــــــــاتندم وربك
واللي تقولهُ قولهُ لو اللــــــــيل بطولهُ
ولازم هاداعــــــــبك بتُقلِي لمشاعرك
وتفضل في بُعــــــدك وهااستنىَ ردك
ولمَّا تعاني وحدك هااشوفك واعــاندك
واقولها بصراحه مش هـــتلاقي راحـه
واتذكر بقـلبك ياقـــــــلبك ياقـــــــــلبك
إرسال تعليق