أبدأ منين ؟
-------------
مش عارف ابدأ منين
ولاّ احكي واقول لك إيه؟
دانتِ جوّه ف نني العين
والهوي فارد إديه
عشان يضمك جوّه قلبي
ضمة الملهوف عليه
بس خايف يوم يبوح
مايلاقيش غير الجروح
والنهاردةه بس
جيتي تسأليني
إنت بايع ياحبيبي
أو شاريني
كان نفسي من زمان
تيجي تسألي
لكن انتِ
كنتِ دايما تتقلي
عايشة مش حاسة
بوجودي
عمرك ماقربتي
لحدودي
والنهارده بس
بحبي حسيتي
دا يوم ميلادي
ابتدا ساعة ماجيتي
والزهور كلها اتجمّعت
وجت ف بيتي
أم الشعراء
سامية سليمان
إرسال تعليق