.png)
الثوره مُستَمِرَّه
شعر/محمود العزب
31/12/2011
هانقولِّك كِلمتيـن
يامصر وانتِ حُرَّه
إنتِ فى نِن العين
لأنِّـك لينـا دُرَّه
ورَب العـالميـن
مِدِّينـا تَمَلِّى قُدره
من آلاف السنييـن
على رفض أى سُخره
ونـاسِـك طيبيـن
والوقتى ف عيشه مُرَّه
وعشان كِدَه ناويين
على ثوره مُستمِرَّه
ع الجوع وع الخاينين
وعلى بتوع المُؤامره
وحياتنا هاتِبقَى زين
يامصر وانتِ حُـرَّه
حياتنا هاتِبقَى زين
يامصر وانتِ حُـرَّه.
إرسال تعليق